அவிநாசி, வஞ்சிபாளையம் அடுத்துள்ள முருகம்பாளையம் மாகாளியம்மன் பூச்சாட்டு பொங்கல் விழா, நேற்று முன்தினம் பொட்டுசாமி பூஜையுடன் துவங்கியது.

நேற்று, மாலை, அம்மனுக்கு சிறப்பு அலங்கார பூஜையும், இரவு, 9:00 மணிக்கு, வாணவேடிக்கையுடன் மாவிளக்கு, அம்மன் ஊர்வலம் மற்றும் கலை நிகழ்ச்சியும் நடந்தது. பெண்கள் மாவிளக்கு ஊர்வலமாக எடுத்துச்சென்று அம்மனை வழிபட்டனர். இன்று காலை முதல், பக்தர்கள் கோவில் வளாகத்தில் பொங்கல் வைத்து, அம்மனுக்கு படையலிட்டு வழிபட உள்ளனர்.