சங்கத்தில் வாரந்தோறும் செவ்வாய்க் கிழமை தேங்காய் பருப்பு, வியாழனன்று சூரியகாந்தி விதை ஏலம் நடைபெறும். இங்கு மார்க்கம்பட்டி, காட்டூர், ஈசநத்தம், வேடசந்துார், மல்லபுரம், செட்டிவலசு பகுதியிலிருந்து பெருமளவு விவசாயிகள் கலந்து கொள்வர்.

நேற்று நடந்த சூரிய காந்தி விதை ஏலத்தில், 22 விவசாயிகள் கலந்து கொண்டு, 21 ஆயிரம் கிலோ சூரியகாந்தி விதையை விற்பனை செய்தனர்.

வெள்ள கோவில், காங்கயம், முத்துார், ஊத்துக்குளி பகுதியைச் சேர்ந்த வியாபாரிகள் கலந்து கொண்டு ஏலம் கோரினர். இதில் ஒரு கிலோ சூரியகாந்தி விதை அதிகபட்சம் 60.89 ரூபாய்; குறைந்தபட்சம் 51.03 ரூபாய்க்கும் ஏலம் எடுத்தனர்.

மொத்தம் 12.08 லட்சம் ரூபாய்க்கு ஏல வர்த்தகம் நடைபெற்றது.