பொங்கலுார், ;வைகாசி பட்டத்தில் சாகுபடி செய்த சின்ன வெங்காயம் புரட்டாசி வரை அறுவடை செய்யப்பட்டு வந்தது. அறுவடையின்போது போதிய விலை கிடைக்கவில்லை. பல விவசாயிகள் பட்டறை அமைத்து இருப்பு வைத்திருந்தனர். ஐப்பசி, கார்த்திகை மாதங்களில் அறுவடை முடிந்து விடும் என்பதால் விலை உயர்வது வழக்கம். இதை எதிர்பார்த்து விவசாயிகள் காத்திருந்தனர். பெரிய வெங்காயம் கிலோ, 80 ரூபாய் வரை விற்பனையான போதிலும் சின்ன வெங்காய விலை உயரவில்லை. இருப்பு வைத்த வெங்காயத்தில் எடை குறைவு, அழுகல் போன்ற பிரச்னைகளை விவசாயிகள் எதிர்கொண்டனர்.