நேற்று மாலை, தெப்ப உற்சவம் நடைபெற்றது. கோவில் வளாகத்தில் உள்ள சிறிய குளம் அலங்கரிக்கப்பட்டு, வாசனை திரவியங்கள் கலந்த தீர்த்தம் நிரப்பப்பட்டது. முன்னதாக, சோமஸ்கந்தருக்கு மகா அபிேஷகம் நடந்தது.

உற்சவமூர்த்திகள், பூதவாகனத்தில் எழுந்தருளி, திருவீதியுலா வந்து அருள்பாலித்தனர். இரவு, 7:00 மணிக்கு, உற்சவமூர்த்திகள் சிறப்பு அலங்காரத்தில் எழுந்தருளி, தெப்போற்சவத்தில் வலம் வந்து அருள்பாலித்தனர்.

தேர்த்திருவிழாவின் முக்கிய நிகழ்வான, ஸ்ரீநடராஜர் தரிசனகாட்சி இன்று நடக்கிறது. காலை, 10:00 மணிக்கு, ஸ்ரீநடராஜப்பெருமான் - சிவகாமசுந்தரி அம்மன் மகா அபிேஷகமும், சிறப்பு அலங்காரத்தில் திருவீதியுலா காட்சி அருளும் நடைபெற உள்ளது; மாலை, 5:00 மணிக்கு நடராஜர் தரிசனம் நடக்கிறது.

நாளை மஞ்சள் நீர் விழாவும், 15ம் தேதி விடையாற்றி உற்சவத்துடன் தேர்த்திருவிழா நிறைவு பெறுகிறது. விழா ஏற்பாடுகளை, முருகேசன் தலைமையிலான அறங்காவலர் குழுவினரும், செயல் அலுவலர் அருள்செல்வன் தலைமையிலான கோவில் நிர்வாகமும் செய்திருந்தது.