திருப்பூர், காங்கயம் ரோடு, முதலிபாளையம் பிரிவில், கனரா வங்கி, ஊரக சுய வேலைவாய்ப்பு பயிற்சி நிலையம் செயல்படுகிறது. இங்கு, பெண்களுக்கான கைப்பை, 'ஆபீஸ் பைல்', 'குச்சி பேக்', 'லஞ்ச் பேக்', 'வாட்டர் கேன் பேக்', 'லேப்டாப் பேக்' உள்ளிட்ட பொருட்கள் தயாரிப்பதற்கான பயிற்சி இலவசமாக வழங்கப்படுகிறது.

எழுத, படிக்க தெரிந்த, 18 முதல் 45 வயதுக்குட்பட்ட, இருபாலரும் பயிற்சிக்கு விண்ணப்பிக்கலாம்; காலை, -மாலை தேநீர் மற்றும் மதிய உணவு இலவசம். பயிற்சி முடிவில் மத்திய அரசின் சான்றிதழ் மற்றும் தொழில் துவங்குவதற்கான ஆலோசனை வழங்கப்படும்.

வரும், 13ம் தேதி பயிற்சி முகாம் துவங்குகிறது. ஆர்வமுள்ளவர்கள், 'கனரா வங்கி - கிராமப்புற சுய வேலைவாய்ப்பு பயிற்சி நிலையம் , 335/பி-1, வஞ்சியம்மன் கோவில் எதிரில், முதலிப்பாளையம் பிரிவு, காங்கயம் ரோடு, விஜயாபுரம், திருப்பூர்- 641606' என்ற முகவரிக்கு நேரில் வரவும்.

முதலில் வருவோருக்கு முன்னுரிமை. 94890 43923, 99525 18441 என்ற எண்ணில் தகவல் அறியலாம்.

இத்தகவலை, பயிற்சி நிலைய இயக்குனர் சதீஷ்குமார் தெரிவித்துள்ளார்.