உடுமலை, தளி ரோட்டில் ரயில்வே சுரங்கப்பாலம் அமைந்துள்ளது. ஏராளமான வாகனங்கள் செல்லும் இந்த சுரங்க பாலத்தில், மழை காலங்களில், மழை நீர் தேங்கி போக்குவரத்து பாதித்து வருகிறது.

இதற்கு தீர்வு காணும் வகையில், இரு புறமும், மேல் தளம் அமைக்கும் பணி மேற்கொள்ளப்பட்டு வருகிறது. இதற்காக, பில்லர்கள் அமைக்கப்பட்டு, கம்பிகள் அமைக்கப்பட்டுள்ளது.

கூரை அமைக்கும் பணி இழுபறியாகி வருகிறது. எனவே, இப்பணிகளை விரைந்து முடிக்க வேண்டும். மேலும், பாலத்தில் கழிவு நீர் தேங்கி, ஓடு தளம் முழுவதும் சேதமடைந்துள்ளது.

குண்டும், குழியுமாக காணப்படுவதால், விபத்துக்கள் அதிகரித்து வருகிறது. எனவே, ஓடு தளத்தையும் முழுமையாக புதுப்பிக்க வேண்டும், என பொதுமக்கள் வலியுறுத்தியுள்ளனர்.