இந்நாளில், வீட்டைச் சுத்தம் செய்து, விளக்கேற்றி, கலசம் ஒன்றில் லட்சுமியை வைத்து வணங்கி துவங்குவர். கலசத்தினுள், பச்சரிசி, எலுமிச்சை, பொற்காசு போன்றவற்றை இட்டு, பட்டாடையால் அலங்கரித்து, லட்சுமியின் உருவச்சிலையை தேங்காயில் வைப்பர். மஞ்சள் சரட்டை, குங்குமத்தில் வைத்துக் கலசத்தில் அணிவித்து, வரலட்சுமியைக் கிழக்குப் பக்கமாக வைத்து வணங்குவர். தீப ஆராதனை செய்து, இனிப்பான பலகாரங்களைப் படைப்பர். தொடர்ந்து, மஞ்சள் சரட்டை, விரதமிருந்தவர் கையில் கட்டுவர். படைக்கப்பட்ட பொருட்களுடன், தாம்பூலம், மஞ்சள், புடவையுடன், சுமங்கலிகளுக்கு கொடுத்து ஆசி பெற்று, விரதத்தை பூர்த்தி செய்வர்.