மாவட்ட தேர்தல் அலுவலர் அறிவுறுத்தியதாவது:

* திருமண மண்டபங்களில் நடத்தப்படும் திருமண நிகழ்ச்சிகளில், அரசியல் கட்சி தலைவர்கள், கட்சி சின்னம், கொடி ஆகியவற்றுடன் கூடிய பேனர்களை வைக்க அனுமதிக்க கூடாது.

* அரசியல் கட்சியினரால் வாக்காளர்களுக்கு விருந்து அளித்தல், பரிசு பொருட்கள் வழங்குவது போன்ற நிகழ்ச்சிகளுக்கு மண்டபங்களை பயன்படுத்த இடம்கொடுக்ககூடாது.

* தேர்தல் முடியும்வரை, திருமண மண்டபங்களில் நடைபெறும் திருமணம் உள்பட அனைத்துவகையான நிகழ்ச்சிகளுக்கு, அந்தந்த தேர்தல் நடத்தும் அலுவலர், போலீசாரிடம் அனுமதி பெறவேண்டும்.

* வரும் நாட்களில் நிகழ்ச்சிகள் நடத்துவதற்காக, தேர்தல் அறிவிப்புக்கு முன்னரே மண்டபம் புக்கிங் செய்தோரும், தேர்தல் நடத்தும் அலுவலர் மற்றும் போலீசாரிடம் அனுமதி பெறவேண்டும்.

* மண்டபங்களில் அன்னதானம் என்கிற பெயரில் நிகழ்ச்சிகள் நடத்துவதற்கும் அனுமதிக்க கூடாது.

* விதிமுறைகளை மீறி, அரசியல் நிகழ்வுகளுக்கு அனுமதித்தால், மண்டப உரிமையாளர் மீதும், சம்பந்தப்பட்ட அரசியல் கட்சியினர் மீதும் கடுமையான நடவடிக்கை எடுக்கப்படும்.

* துண்டுப்பிரசுரம், விளம்பர போஸ்டர்களில், கட்டாயம் அச்சகத்தின் பெயர், முகவரி விவரங்கள், வெளியிடுவோரின் விவரங்கள் தவறாமல் அச்சிடப்பட்டிருக்கவேண்டும். விளம்பரம், துண்டு பிரசுரங்கள் அச்சிடப்பட்ட 10 நகல்களை, வெளியிடுபவரின் உறுதிமொழியுடன், மாவட்ட தேர்தல் அலுவலருக்கு, மூன்று நாட்களுக்குள் அனுப்பிவைக்கவேண்டும்.

* தனிநபர்களை இழிவுபடுத்தும்வகையிலான பிரசுரங்களை அச்சிடக்கூடாது.

* விடுதியில் தங்கும் வாடிக்கையாளர்களின் விவரங்கள், உரிய ஆவணங்களின் நகலுடன் உரிய பதிவேட்டில் பராமரிக்க வேண்டும்.

* வேறு சட்டசபை தொகுதியை சேர்ந்த அரசியல் தலைவர்கள், கட்சியினர், பிரசாரத்துக்காக வந்தவர்கள், ஓட்டுப்பதிவுக்கு 48 மணி நேரத்துக்கு முன்னர், அந்த சட்டசபை தொகுதியில் தங்கியிருக்ககூடாது.

* வாக்காளருக்கு, பாத்திரங்கள், வீட்டு உபயோக பொருட்கள் வழங்குவது தடை செய்யப்பட்டுள்ளது. பாத்திர கடை உரிமையாளர்கள், வாக்காளருக்கு பரிசு வழங்குவதற்காக அதிகளவில் கொள்முதல் செய்வோர் குறித்த விவரங்கள் தொடர்பாக, தேர்தல் நடத்தும் அலுவலருக்கு தகவல் அளிக்க வேண்டும்.