ஏராளமான குப்பைகள் அந்தப் பாலத்தில் தான் மிதந்து கொண்டுள்ளன. பாலம் கட்டப்பட்டு பல ஆண்டுகள் ஆனதாலும் நீரின் அழுத்தம் காரணமாகவும் பாலத்தில் விரிசல் விழுந்துள்ளது. இதனால், தண்ணீர் ஆங்காங்கே கசிகிறது. அந்தப் பாலம் பலவீனமடைந்துள்ளது. அது உடைந்தால் அப்பகுதியில் உள்ள விவசாய நிலங்கள், குடியிருப்புகள் வெள்ளத்தில் மிதக்கும். நீர் இழப்பு ஏற்பட்டுள்ளதால் தண்ணீர் கடை மடைக்குச் செல்வதும் குறையும். எனவே, அங்கு புதிய பாலம் கட்ட வேண்டும் என்ற எதிர்பார்ப்பு விவசாயிகள் மத்தியில் எழுந்துள்ளது.