கடந்த, 2019ம் ஆண்டு, புல்வாமா, அவந்திபோரா பகுதியில், பாகிஸ்தானை சேர்ந்த தீவிரவாதிகள் தற்கொலைப்படை தாக்குதல் நிகழ்த்தினர். இதில், நம் ராணுவ வீரர்கள், 40 பேர் வீரமரணம் அடைந்தனர். இதன், ஐந்தாம் ஆண்டு நினைவு நாள் அஞ்சலி நிகழ்ச்சி நேற்று அனுஷ்டிக்கப்பட்டது. அவ்வகையில், திருப்பூர் சிக்கண்ணா அரசு கலைக் கல்லுாரி நாட்டு நலப்பணித் திட்டம் அலகு - -2 சார்பில், புல்வாமா தாக்குதலில் வீரமரணம் அடைந்த ராணுவ வீரர்களுக்கு மலர்துாவி மரியாதை செலுத்தும் நிகழ்ச்சி நேற்று நடத்தப்பட்டது.