வேலைவாய்ப்பு அலுவலகத்தில் பதிவு செய்து ஐந்து ஆண்டுகளாகியும் வேலைகிடைக்காத படித்த இளைஞர்களுக்கு, தமிழக அரசு, மாதந்தோறும் உதவித்தொகை வழங்கிவருகிறது. பத்தாம் வகுப்பு தேர்ச்சி பெறாதவர்களுக்கு மாதம் 200 ரூபாய்; பத்தாம் வகுப்பு தேர்ச்சி பெற்றோருக்கு, 300 ரூபாய், மாற்றுத்திறனாளிகளுக்கு, 600 ரூபாய், பிளஸ் 2 தேர்ச்சி பெற்றவர்களுக்கு, 400 ரூபாய், மாற்றுத்திறனாளிகளுக்கு, 750 ரூபாய், பட்டதாரி மற்றும் முதுநிலை பட்டதாரிகளுக்கு, 600 ரூபாய், மாற்றுத்திறனாளிகளுக்கு, ஆயிரம் ரூபாய் உதவித்தொகை வழங்கப்படுகிறது. உதவி தொகை வேண்டுவோர், https://employmentexchange.tn.gov.in என்கிற இணையதளம் மூலமாகவோ அல்லது மாவட்ட வேலைவாய்ப்பு அலுவலகத்தில் நேரடியாகவோ விண்ணப்பிக்கலாம் என மாவட்ட நிர்வாகம் அறிவித்துள்ளது.