கோவில் வளாகத்தில் மூன்று இடி தாங்கிகள் இருந்தாலும், அவற்றில் இரண்டு பழுதடைந்துள்ளன. நேற்று முன்தினம் இரவு பலத்த இடி, மின்னலுடன் கூடிய மழையில், கோபுரத்திலுள்ள காவல் தெய்வ சிலையை இடி தாக்கி சேதமானது.

கோவில் சுற்றுச்சுவரில் விரிசல் மற்றும் சோலார் விளக்கு சேதமடைந்தது. சேதமான சிலை உள்ளிட்டவற்றை ஹிந்து சமய அறநிலையத்துறை அதிகாரிகள் சீரமைக்க நடவடிக்கை எடுக்க, பக்தர்கள் கோரிக்கை விடுத்துள்ளனர்.

கடந்த, 2010ல் இக்கோவிலில் இடி தாக்கியதில், நான்கு பேர் பலியானது குறிப்பிடத்தக்கது.