திருவண்ணாமலை மாவட்டம், போளூர் அடுத்த மாம்பட்டு பஞ்., செயலராக சேகர், 48, என்பவர் பணிபுரிந்து வந்த நிலையில், அக்டோபரில், முருகாபாடி பஞ்.,க்கு இடமாற்றம் செய்யப்பட்டார்.

இந்நிலையில், 2024 - 25ம் ஆண்டிற்கான பஞ்., கணக்கை தணிக்கை அதிகாரி பிரதீப் பாபு ஆய்வு செய்ததில், சொத்து வரி உட்பட வரி இனங்களில், 4 லட்சத்து, 48,948 ரூபாய் வசூல் செய்யப்பட்டு, அதில், 2 லட்சத்து, 18,900 ரூபாய் மட்டும் அரசு கணக்கில் வரவு வைக்கப்பட்டது.

மீதமுள்ள, 2 லட்சத்து, 30,048 ரூபாயை செலுத்துவதில், பஞ்., செயலர் சேகர் முறைகேட்டில் ஈடுபட்டது தெரிய வந்தது. இத்தொகையை செலுத்த அதிகாரிகள் உத்தரவிட்டும், இதுவரை செலுத்தாததால், சேகரை 'சஸ்பெண்ட்' செய்து, போளூர் பி.டி.ஓ., ரபியுல்லா உத்தரவிட்டார்.