மாணவர்களுக்கு உணவு சமைத்து வழங்க, சமையலர் லட்சுமி, உதவியாளர் முனியம்மாள் பணிபுரிந்தனர். பள்ளியில், மாணவர்களுக்கு சத்துணவு முட்டைகளை இவர்கள் சரிவர வழங்குவதில்லை.

நேற்று, சமையலறையில் முட்டை பதுக்கி வைத்திருந்ததை பார்த்த மாணவர் ஒருவர், 'முட்டையை ஏன் வழங்க மறுக்கிறீர்கள்?' என, கேள்வி எழுப்பினார்.

இதில், ஆத்திரமடைந்த லட்சுமி, முனியம்மாள் ஆகியோர் மாணவன் வகுப்பறையில் அமர்ந்திருந்தபோது, ஆசிரியை ப்ளோரா முன்னிலையில், துடைப்பத்தால் விரட்டி, விரட்டி அடித்தனர்.

வலி தாங்க முடியாத மாணவன் அலறித் துடித்த வீடியோ, சமூக வலைதளங்களில் பரவியது.

தாக்குதல் குறித்து, மாணவ - மாணவியரின் பெற்றோர் உட்பட பல்வேறு தரப்பினரும் கண்டனக் குரல் எழுப்பியதால், லட்சுமி, முனியம்மாளை போளூர் பி.டி.ஓ., பாபு, 'சஸ்பெண்ட்' செய்து உத்தரவிட்டார்.

மேலும், வகுப்பு ஆசிரியை ப்ளோராவை, மட்டப்பிறை பள்ளிக்கு இடமாற்றம் செய்து, திருவண்ணாமலை மாவட்ட கல்வி அலுவலர் கார்த்திகேயன் உத்தரவிட்டார்.

போளூர் போலீசார் வழக்குப்பதிவு செய்து, லட்சுமி, முனியம்மாளை நேற்று கைது செய்தனர்.