புதுப்பிக்கும் பணி, ஒரு மாதத்துக்கு மேலாக நடந்தது. அலங்கார துாண்கள் மற்றும் பலகைகள், நான்கு கொடுங்கை நிலை, குத்துக்கால்கள் புதுப்பிக்கப்பட்டன.

203 புதிய சிலைகள் பொருத்தப்பட்டு, மஹாரதம் முழுதும் பஞ்ச வர்ணம் பூசப்பட்டு புதுப்பிக்கப்பட்டது.

இந்நிலையில், டிச., 4ல், கொடியேற்றத்துடன் தொடங்கப்பட்டு, 10ம் தேதி மஹாரத தேரோட்டம் நடக்க உள்ள நிலையில், புதுப்பிக்கப்பட்ட மஹாரத தேர் வெள்ளோட்டம் நேற்று நடந்தது.

கலெக்டர் பாஸ்கர பாண்டியன் வடத்தை பிடித்து தொடங்கி வைத்தார். ஆயிரக்கணக்கான பக்தர்கள் வடம் பிடித்து இழுத்துச் சென்று சுவாமியை வழிபட்டனர்.