இதனால், வரி உயர்வதோடு, மக்களின் வாழ்வாதாரமான 100 நாள் வேலை திட்டமும் பறிபோகும் என்று கூறி பல்வேறு கிராமங்களைச் சேர்ந்த மக்கள், இணைப்புக்கு எதிர்ப்பு தெரிவித்து வருகின்றனர். சுதந்திர தினமான நேற்று இத்திட்டத்திற்கு எதிர்ப்பு தெரிவித்து, ஸ்ரீரங்கம் தொகுதிக்குட்பட்ட அதவத்துார் ஊராட்சி மக்கள் வீடுகளின் முன் கருப்புக் கொடி கட்டி எதிர்ப்பு தெரிவித்தனர்.

இதனால், காலை 11:00 மணி முதல், பகல் 1:00 மணி வரை கிராம சபை கூட்டம் நடத்தப்படாமல் அனைவரும் காத்திருந்தனர்.

சம்பந்தப்பட்ட ஊராட்சிக்கு வந்த வருவாய் துறை அதிகாரிகள், 'இந்த விவகாரத்தில் நாங்கள் முடிவு எடுக்க முடியாது' என்று கூறியதால், ஆத்திரமடைந்த கிராம மக்கள், 'அப்ப நீங்க எதற்காக பேச்சு நடத்த வந்தீர்கள்; உயர் அதிகாரிகளை வரச் சொல்லுங்கள்' எனக்கூறி கடும் வாக்குவாதத்தில் ஈடுபட்டனர். இதனால் பரபரப்பு ஏற்பட்டது.