விழா நாட்களில், தினமும் நம்பெருமாள் பல்வேறு வாகனங்களில் எழுந்தருளினார். நேற்று முன்தினம், தங்க குதிரை வாகனத்தில் எழுந்தருளிய நம்பெருமாள், உத்திர வீதிகளில் வலம் வந்து வையாளி கண்டருளினார். விழாவின் முக்கிய நிகழ்ச்சியான தைத்தேர் உற்சவம், நேற்று காலை நடைபெற்றது.

அதிகாலை 4:30 மணிக்கு மூலஸ்தானத்தில் இருந்து புறப்பட்ட நம்பெருமாள் தைத் தேர் மண்டபம் வந்தடைந்தார், பின், அலங்கரிக்கப்பட்ட தேரில் நம்பெருமாள் உபய நாச்சியார்களுடன் எழுந்தருளினார். காலை 6:30 மணிக்கு தேரோட்டம் நடைபெற்றது. உத்திர வீதிகளில் வலம் வந்த தேரை, 'ரெங்கா ரெங்கா' கோஷத்துடன் ஏராளமான பக்தர்கள் வடம் பிடித்து இழுத்தனர். காலை 10:30 மணிக்கு தேர் நிலை வந்தடைந்தது.