அந்த பெயரை திருத்தம் செய்ய, மார்ச் மாதம் லால்குடி தாசில்தார் அலுவலகத்தில் மோகன் விண்ணப்பித்தார். மனு, லால்குடி துணை தாசில்தார் ரவிகுமார், 59, என்பவரிடம் நீண்ட நாட்களாக நிலுவையில் இருந்தது. இது குறித்து மோகன், ரவிகுமாரை சந்தித்து கேட்டபோது, 20,000 ரூபாயை லஞ்சமாக அவர் கேட்டார்.

இது குறித்து மோகன், திருச்சி லஞ்ச ஒழிப்பு போலீசில் புகார் அளித்தார். அதன்படி, வழக்கு பதிவு செய்யப்பட்டு, நேற்று மதியம் லால்குடி தாசில்தார் அலுவலகத்தில், 20,000 ரூபாய் லஞ்சப் பணத்தை, மோகனிடம் இருந்து ரவிகுமார் வாங்கியபோது, ரவிகுமாரை போலீசார் கைது செய்தனர்.