தற்போதைய மழையால், வீதிகளில் கழிவுநீர் பெருக்கெடுத்து ஓடியது. தற்காலிக சீரமைப்பு மேற்கொண்டாலும், அடிக்கடி இப்பிரச்னை ஏற்படுகிறது. இதை மாநகராட்சி நிர்வாகம் கண்டு கொள்ளாததால், தி.மு.க.,வைச் சேர்ந்த மாநகராட்சி கவுன்சிலர் விஜி தலைமையில், பொதுமக்கள், கே.கே.நகர் சாலையில் மறியல் செய்தனர். அங்கு வந்த மேயர் அன்பழகனை, கவுன்சிலர் மற்றும் பொதுமக்கள் முற்றுகையிட்டதால் பரபரப்பு ஏற்பட்டது.

மேயர் பேச்சு நடத்தினார். பிரச்னையை தீர்க்க உரிய கால அவகாசத்தை அறிவிக்க வலியுறுத்தி, மக்கள் தொடர்ந்து போராட்டத்தில் ஈடுபட்டனர். மேயர் மற்றும் மாநகராட்சி அதிகாரிகள் ஒரு மாதத்திற்குள் பணிகளை முடித்து, பிரச்னைக்கு தீர்வு காண்பதாக, உறுதியளித்தனர். போராட்டத்தை கைவிட்டு, மக்கள் கலைந்தனர்.