தொடர்ந்து அந்த காரை விரட்டிச் சென்ற பெட்டவாய்த்தலை போலீசார், நேற்று முன்தினம் இரவு, பரமக்குடி அருகே கார் நிற்பதை அறிந்தனர். காரில் இருந்த, ஐவரைப் பிடித்து விசாரித்தனர். அதில், தேவேந்திர குல மக்கள் இயக்கம் என்ற அமைப்பின் தலைவர் குமுளி ராஜ்குமார் இருந்தது தெரியவந்தது. அவர் தான், ஏற்கனவே காரில் இருந்தபடியே போலீசாரை அரிவாளைக் காட்டி மிரட்டினார் என்பதையும் அறிந்தனர். மற்றவர்கள், தேவேந்திர குல மக்கள் இயக்கத்தைச் சேர்ந்தவர்கள் என்பதும் தெரிந்தது.

இதையடுத்து, ராஜ்குமாரை போலீசார் கைது செய்தனர். மேலும், அவர் பயணம் செய்த காரில் இருந்த, 25 நாட்டு வெடிகுண்டுகள், இரு நாட்டு துப்பாக்கிகள், அரிவாள்களையும் பறிமுதல் செய்தனர். போலீசாரின் இந்த கைது நடவடிக்கைக்கு அவ்வியக்கத்தைச் சேர்ந்தோர் கடும் எதிர்ப்பு தெரிவித்து வருகின்றனர்.