திருச்சி மாவட்டம், லால்குடி அருகே கோவாண்டங்குறிச்சியை சேர்ந்தவர் ஆண்ட்ரூஸ் ஸ்டாலின்.

இவர் தன் மனைவி சத்யா, 39, மகள் பெரிய நாயகி, 11, மற்றும் மகன் ரெமிஜியஸ், 6, ஆகியோருடன், நேற்று முன்தினம் இரவு டூ-வீலரில் ஸ்ரீரங்கம் சென்று கொண்டிருந்தார். நால்வரும் ஹெல்மெட் அணியாமல் சென்று கொண்டிருந்தனர்.

அப்போது, திருச்சி - சென்னை பைபாஸ் சாலையில், பின்னால் வந்த அடையாளம் தெரியாத கார், அவர்களின் டூ-வீலர் மீது மோதி விட்டு நிற்காமல் சென்றது. சாலையில் துாக்கி வீசப்பட்ட சத்யா, பெரியநாயகி பலத்த காயமடைந்து, சம்பவ இடத்திலேயே இறந்தனர்.

காயமடைந்த மற்ற இருவரும் திருச்சி அரசு மருத்துவமனையில் சேர்க்கப்பட்டுள்ளனர். திருச்சி நெ. 1 டோல்கேட் போலீசார், இருவரை பலி வாங்கி, தப்பிய காரை தேடுகின்றனர்.