வாகனங்களின் வேகத்தை குறைக்க போலீசார் வைத்திருந்த இரும்பு தடுப்பை கவனிக்காத, ஆம்னி பஸ் டிரைவர் பிரான்கோ, 30, திடீரென பிரேக் போட்டார். கட்டுப்பாட்டை இழந்த பஸ், இடதுபுற சாலையோர பள்ளத்தில் கவிழ்ந்தது.

இதில், பஸ்சில் பயணம் செய்த, 31 பயணியர் படுகாயமடைந்தனர். அனைவரும் முதலுதவி சிகிச்சைக்கு பின், வேறு பஸ்சில் மதுரைக்கு அனுப்பி வைக்கப்பட்டனர்.

பலத்த காயமடைந்த மதுரையைச் சேர்ந்த ஏசுமணி, 58, என்ற பெண் மட்டும், திருச்சி அரசு மருத்துவமனையில் சிகிச்சையில் உள்ளார். மணிகண்டம் போலீசார் விசாரிக்கின்றனர்.