தற்போது அதிக வெப்பத்தால் அனைத்து துறை அதிகாரிகளும் பேன், 'ஏசி'க்களை அதிகம் பயன்படுத்துகின்றனர். நேற்று முன் தினம், மின்மாற்றியில், 'ஓவர் லோடு' ஏற்பட, தீப்பிடித்து எரிந்து மின்தடை ஏற்பட்டது. இதனால், கலெக்டர் அலுவலக, 'லிப்ட்' பாதி வழியில் நின்றது. அதில், 8 பேர் சிக்கித் தவித்தனர்.

எரிந்த ஒயரை சீரமைக்கும் பணியில் ஈடுபட்டபோது மின்சாரம் பாய்ந்து, பொதுப்பணித்துறை எலக்ட்ரீஷியன் சந்தோஷ் காயம் அடைந்தார். அவர் வேலுார் அரசு மருத்துவமனையில் சேர்க்கப்பட்டார். ஒரு மணி நேர போராட்டத்துக்குப் பின், 8 பேரும் பாதுகாப்பாக மீட்கப்பட்டனர்.

மேலும் தடைபட்ட மின்சாரத்தை, பொதுப்பணித்துறை ஊழியர்கள் சீரான நிலைக்கு கொண்டு வந்தனர்.