நவ., 13ம் தேதி வழக்கு விசாரணையின் போது, கதிர்ஆன்ந்த், வழக்கில் சம்பந்தப்பட்ட அவரது ஆதரவாளர் தாமோதரன் ஆகியோர் மட்டும் நீதிமன்றத்தில் ஆஜராகினர்.

இன்னொரு ஆதரவாளர் பூஞ்சோலை சீனிவாசன் ஆஜராகாததால், அதிருப்தியடைந்த நீதிபதி, அவரை கைது செய்ய, 'பிடிவாரன்ட்' பிறப்பித்து உத்தரவிட்டார். இந்த வழக்கின் விசாரணை நேற்று நடந்தது. பூஞ்சோலை சீனிவாசன், நேற்று நீதிமன்றத்தில் சரணடைந்தார்.

தாமோதரனும் ஆஜரான நிலையில், கதிர்ஆனந்த் எம்.பி., ஆஜராகவில்லை. நீதிபதி விசாரணையை ஒத்தி வைத்தார். இந்த வழக்கின் ஆரம்ப கட்டத்தில் இருந்து இதுவரை, மூவரும் கூட்டாக விசாரணைக்கு வரவில்லை என்பது குறிப்பிடத்தக்கது.