விக்கிரவாண்டி அடுத்த பாப்பனப்பட்டைச் சேர்ந்தவர் தென்னரசன், 26; ஆடு மேய்க்கும் தொழில் செய்து வருகிறார். இவர், கடந்த 3ம் தேதி அன்று தனது 32 ஆடுகளை மெயின்ரோட்டின் ஓரம் உள்ள ஐஸ் பாக்டரி அருகே நிலத்தில் மேய்ச்சலுக்கு விட்டிருந்தார். பிற்பகல் 3:00 மணியளவில் காரில் வந்த மர்ம நபர்கள் மேய்ந்து கொண்டிருந்த 7 ஆடுகளை திருடிச் சென்றனர். ஆடுகளை திருடிச் சென்றது அங்கிருந்த கேமராவில் பதிவாகியுள்ளது.

இதுகுறித்து தென்னவன் அளித்த புகாரின் பேரில், நேற்று போலீசார் வழக்குப்பதிந்து மர்ம நபர்களைத் தேடி வருகின்றனர்.