விக்கிரவாண்டி அடுத்த ஆசூர் கிராமத்தைச் சேர்ந்தவர் குமார், 52; சோடா வியாபாரி. இவர், சில ஆண்டுகளுக்கு முன் நடந்த விபத்தில் இடுப்பு எலும்பு உடைந்ததில் அறுவை சிகிச்சையில் இடுப்பில் பிளேட் வைத்தனர். இதனால் அடிக்கடி இடுப்பு வலியால் அவதியடைந்தார்.

இதனால் மனமுடைந்த அவர் கடந்த 10ம் தேதி எலிபேஸ்ட் சாப்பிட்டார். உடன், முண்டியம்பாக்கம் அரசு மருத்துவக்கல்லுாரி மருத்துவமனையில் சேர்க்கப்பட்டு அங்கு அவர் நேற்று இறந்தார். புகாரின் பேரில் போலீசார் வழக்குப் பதிந்து விசாரித்து வருகின்றனர்.