விக்கிரவாண்டி இன்ஸ்பெக்டர் சத்தியசீலன் தலைமையில் சப் இன்ஸ்பெக்டர் மணிகண்டன் மற்றும் போலீசார் வீடூர் அணை அருகே வாகன சோதனையில் ஈடுபட்டிருந்தனர்.

அப்போது பைக்கில் பாத்திர வியாபாரம் மற்றும் தலைமுடி வாங்குவது போல வந்த 2 பேரை சந்தேகத்தின் பேரில் நிறுத்தி சோதனை செய்தனர். அதில், புதுச்சேரியிலிருந்து செஞ்சிக்கு 100 மது பாட்டில்கள் கடத்தி வந்தது தெரியவந்தது.

விசாரணையில் செஞ்சியைச் சேர்ந்த ரஜினி, 35; வெங்கடேசன், 35; என தெரியவந்தது. அதனைத் தொடர்ந்து, இருவரையும் கைது செய்து, மது பாட்டில்களை பறிமுதல் செய்தனர்.