மன்னார்குடியில் இருந்து சென்னை நோக்கி அரசு விரைவு போக்குவரத்து கழக பஸ் ஒன்று நேற்று சென்றது. திருவாரூர் மாவட்டம், முகுந்தனுார் பகுதியை சேர்ந்த ஜேம்ஸ் மார்டின், 52; கண்டக்டராக பணியில் இருந்தார்.

மதியம் 1:30 மணிக்கு விழுப்புரம் சுந்தரிபாளையம் அருகே வந்த போது, அதே கிராமத்தை சேர்ந்த 12 முதல் 16 வயதுடைய சிறுவர்கள் 4 பேர் பஸ்சை மறித்து பின்பக்க கண்ணாடியை உடைத்தனர்.

கண்டக்டர் ஜேம்ஸ் மார்டின் தட்டி கேட்டபோது, 4 சிறுவர்களும் சேர்ந்து தாக்கி மிரட்டல் விடுத்தனர். அப்போது, பின்னால் வந்த மேலும் 2 அரசு விரைவு பஸ்களின் கண்ணாடிகளையும் சிறுவர்கள் அடித்து உடைத்து சேதப்படுத்திவிட்டு, தப்பியோடினர்.

கண்டக்டர் ஜேம்ஸ் மார்டின் அளித்த புகாரின்பேரில், நான்கு சிறுவர்கள் மீது வளவனுார் போலீசார் வழக்குப் பதிந்து, 16 மற்றும் 17 வயது சிறுவர்கள் 2 பேரை கைது செய்தனர்.