மயிலம் சப் இன்ஸ்பெக்டர் வெங்கடேசன் தலைமையில் போலீசார் மலை அடிவார பகுதியில் ரோந்து சென்றனர். அங்கு சந்தேகப்படும்படி நின்றிருந்த 2 பேரை பிடித்து சோதனை செய்தனர். அவர்கள், 1,250 கிராம் கஞ்சா மற்றும் 10 போதை மாத்திரைகள் விற்பனைக்காக வைத்திருந்து தெரியவந்தது.

விசாரணையில், மயிலம் காமராஜர் நகர் கணேசன் மகன் செல்வம், 24; காஞ்சிபுரம் மாவட்டம், கீழ்கட்டளை தயாளமூர்த்தி மகன் மோகன்ராஜ், 24; என தெரியவந்தது. கஞ்சா, போதை மாத்திரைகளை பறிமுதல் செய்து, இருவரையும் கைது செய்தனர்.