நேற்று முன்தினம் நள்ளிரவு, திண்டிவனம் - வந்தவாசி சாலையில் உள்ள தாதாபுரத்தில், ஏழுமலை, 55, என்பவருக்கு சொந்தமான ஆட்டு பண்ணையில் புகுந்த மர்ம விலங்கு கடித்ததில், ஆறு ஆடுகள் உயிரிழந்தன; 10 ஆடுகள், கன்றுக்குட்டிக்கு காயம் ஏற்பட்டது.

இதுகுறித்து, வெள்ளிமேடுபேட்டை போலீசார், வனத்துறைக்கு தகவல் தெரிவித்தனர். ஓநாய்கள் தான் ஆடுகளை கடித்திருக்க வேண்டும் என வனத்துறையினர் கூறினர். எனினும், ஓநாய்களை பிடிக்க வனத்துறையினர் நடவடிக்கை எடுக்கவில்லை என, அப்பகுதி மக்கள் குற்றஞ்சாட்டினர்.