கண்டமங்கலம் அடுத்த கொடுகூரைச் சேர்ந்தவர் முருகன் மகன் சுனில், 23; கூலித் தொழிலாளி. கடந்த 11ம் தேதி நண்பர் வினோத்குமார், 23; மற்றும் சிலருடன் சேர்ந்து மது அருந்தியபோது தகராறு ஏற்பட்டு தாக்கிக் கொண்டனர்.

இந்த முன்விரோதம் காரணமாக கடந்த 13ம் தேதி அதே ஊரில் பால் பூத் அருகே வினோத்குமார் அண்ணன் விக்னேஷ் 29; ஏன் என் தம்பியை தாக்கினாய் என சுனிலிடம் தட்டிக்கேட்டார்.

ஆத்திரம் அடைந்த சுனில், விக்னேைஷ தாக்கி கைவிரலை கடித்தார். இதில் விக்னேஷ் கைவிரல் துண்டானது. விக்னேஷ் கொடுத்த புகாரின்பேரில் கண்டமங்கலம் போலீசார் வழக்குப் பதிந்து சுனிலை கைது செய்தனர்.