விழுப்புரம் பகுதியில் தொடர் கனமழை பெய்ததால், அனிச்சம்பாளையம் கிராமத்தில் வெள்ளம் சூழ்ந்தது. குடியிருப்பு பகுதிகளை சூழ்ந்த மழைநீர் ஒரு வாரமாக வடியவில்லை. அதிகாரிகள் நடவடிக்கை எடுக்கவில்லை.

இதனை கண்டித்து, பாதிக்கப்பட்ட கிராம மக்கள் நேற்று மதியம் 12:30 மணியளவில் விக்கிரவாண்டி- கும்பகோணம் சாலையில் மறியலில் ஈடுபட்டனர்.

தகவலறிந்த வளவனுார் இன்ஸ்பெக்டர் விஜயகுமார் மற்றும் போலீசார் விரைந்து சென்று பேச்சு வார்த்தை நடத்தினர்.

கோலியனுார் பி.டி.ஓ., அலுவலகம் மூலம், மழை வெள்ளத்தை வெளியேற்ற நடவடிக்கை எடுப்பதாக போலீசார் உறுதியளித்தனர். இதையடுத்து மதியம் 1:10 மணியளவில் அனைவரும் கலைந்து சென்றனர்.