இந்தியன் வங்கி ஊரக சுயவேலைவாய்ப்பு பயிற்சி நிறுவன செய்திக்குறிப்பு:

விழுப்புரம் இந்தியன் வங்கி ஊரக சுய வேலைவாய்ப்பு பயிற்சி நிறுவனத்தில் 'வீட்டு உபயோக பொருட்கள் பழுது நீக்குதல்' 30 நாட்களுக்கான இலவச தொழிற்பயிற்சி நாளை 11ம் தேதி துவங்குகிறது.

இந்த பயிற்சி பெற விரும்புவோர், 18 வயது முதல் 45 வயது வரையிருக்க வேண்டும். 8ம் வகுப்பு தேர்ச்சி மற்றும் அதற்கு மேல் பயின்றிருக்கலாம். பங்கேற்போர் பெயரிலோ, குடும்ப உறுப்பினர்கள் பெயரிலோ நுாறு நாள் அட்டையிருந்தால் பயிற்சிக்கான முன்னுரிமை வழங்கப்படும்.

கிராமப்புறத்தவர்களுக்கும் முன்னுரிமை வழங்கப்படுகிறது. நகரில் உள்ளவர்களும் விண்ணப்பிக்கலாம். இந்த தகுதிகள் உடையோரிடம் இருந்து பயிற்சிக்கு விண்ணப்பங்கள் வரவேற்கப்படுகிறது.

பயிற்சிக்கு வருவோர், தங்களின் ஆதார் நகல், ரேஷன் கார்டு நகல், வாக்காளர் அட்டை நகல், கல்வி சான்றிதழ் நகல், வங்கி கணக்கு புத்தகம் நகல், நுாறுநாள் வேலை அட்டை நகல் ஆகியவற்றை அனைத்தையும் அவசியம் கொண்டு வர வேண்டும்.

மேலும் விபரங்கள் பெற விரும்புவோர், தொலைபேசி 04146 294115 ஆகிய எண்ணில் தொடர்பு கொள்ளலாம்.

இவ்வாறு செய்திக்குறிப்பில் கூறப்பட்டுள்ளது.