விழுப்புரம் மாவட்டம், மயிலம் அடுத்த தென்பசியார் கிராமத்தில் பாலமுருகன் கோவிலில் ஆடி கிருத்திகையை முன்னிட்டு நேற்று முன்தினம் காப்பு கட்டுதலுடன் விழா துவங்கியது.

ஆடி கிருத்திகை தினமான நேற்று காலை 6:00 மணிக்கு சுவாமிக்கு அபிஷேகம் நடந்தது. 9:00 மணிக்கு பக்தர்கள் பால்குடம் எடுத்து வந்து சுவாமிக்கு அபிஷேகம் செய்தனர்.

தொடர்ந்து, பக்தர்களின் மார்பில் உரல் வைத்து மஞ்சள் இடித்தனர். விரதம் இருந்த பக்தர்களுக்கு மிளகாய் பொடி அபிஷேகம் மற்றும் பக்தர்கள் செடல் அணிந்து நேர்த்திக்கடன் செலுத்தினர்.

மதியம் 1:30 மணிக்கு தீ மிதித்தல், காவடி எடுத்தல் நிகழ்ச்சி நடந்தது. இரவு 10:00 மணிக்கு வாண வேடிக்கை, கலை நிகழ்ச்சி நடந்தது.