புதுச்சேரி மாநிலம் குருசுக்குப்பத்தை சேர்ந்த பிளஸ் 2 முடித்த மாணவர், சக நண்பர்களுடன், கடந்த மாதம் ராயப்பேட்டை ஊராட்சி எல்லையில் உள்ள கிணற்றில் குளித்தபோது, நீரில் மூழ்கி உயிரிழந்தார்.

கடந்த வாரம் முண்டியம்பாக்கத்தில், நண்பர்களுடன் கிணற்றில் குளித்த 9 வகுப்பு மாணவர் பாலாஜி, கிணற்றில் மூழ்கி உயிரிழந்தார்.

பள்ளி கோடை விடுமுறை அளிக்கப்பட்டுள்ளதால், கோடை வெப்பத்தை தணிக்க மதிய நேரங்களில், விவசாய கிணற்றுக்கு படையெடுத்து வரும் பள்ளி, கல்லூரி மாணவர்கள், நீச்சல் தெரியாமல், நண்பர்களின் தூண்தலால் கிணற்றில் குதிக்கின்றனர்.

சரியான நீச்சல் தெரியாததால் நீந்தி வெளியே வர முடியாமல், நீரில் மூழ்கி உயிரிழக்கும் சம்பவங்கள் அதிகரிக்க துவங்கி உள்ளது. எனவே கிணறுகளில் குளிப்பதை தடுக்க நில உரிமையாளர்களை போலீசார் அழைத்து பாதுகாப்பு நடவடிக்கை மேற்கொள்ள அறிவுறுத்த வேண்டும். இல்லையென்றால், கிணற்றில் குளிக்க சென்று இறப்போரின் எண்ணிக்கை அதிகரிக்கக்கூடும்.