புதுச்சேரி 'தினமலர் - பட்டம்' இதழ், ஆச்சார்யா கல்விக்குழுமம் இணைந்து நடத்தும் 'பதில் சொல்; பரிசு வெல்' வினாடி வினா போட்டி நடந்தது.

போட்டியில் 100க்கும் மேற்பட்ட மாணவர்கள் பங்கேற்றனர். இதில் 16 மாணவர்கள் தேர்வு செய்து, 8 குழுக்களாக பிரிக்கப்பட்டு 2 சுற்றுகளாக போட்டி நடந்தது.

பள்ளி தலைமை ஆசிரியர் சேகர் தலைமை தாங்கினார். போட்டியில் தினேஷ் கார்த்திக், சூரியா அணி முதலிடத்தையும், கவுதம், ஜெபஸ்டின் அணி இரண்டாமிடத்தையும் பிடித்தனர்.

வெற்றிபெற்ற மாணவர்களுக்கு சான்றிதழ் மற்றும் கேடயம் வழங்கப்பட்டது. போட்டியில் பங்கேற்ற மாணவர்கள் அனைவருக்கும் சான்றிதழ் வழங்கப்பட்டது.

முன்னதாக இப்பள்ளிக்கு தினமலர் பட்டம் இதழை வழங்கிய சரஸ்வதி கல்விக் குழுமம் பொருளாளர் சிதம்பரநாதன், தாளாளர் முத்து சரவணன் ஆகியோர் கவுரவிக்கப்பட்டனர்.

திண்டிவனம்

காவேரிப்பாக்கம் நகராட்சி மேல்நிலைப் பள்ளியில் நடந்த போட்டியில் 50க்கு மேற்பட்ட மாணவ, மாணவிகள் பங்கேற்றனர். 16 மாணவர்கள் தேர்வு செய்து, 8 குழுக்களாக பிரிக்கப்பட்டு, 2 சுற்றுக்களாக போட்டி நடந்தது.

போட்டிக்கு, தலைமையாசிரியர் சீதாலட்சுமி தலைமை தாங்கினார். கவுன்சிலர் ரவிச்சந்திரன் மற்றும் ஆசிரியர்கள பங்கேற்றனர். ஒருங்கிணைப்பாளர் ஆசிரியை மாலா முன்னிலை வகித்தார்.

போட்டியில், லோகித், தரணபதி அணி முதலிடத்தையும், தரணி, அஸ்வின் அணி இரண்டாம் இடத்தையும் பிடித்தனர்.

வெற்றி பெற்ற மாணவர்களுக்கு கேடயமும், சான்றிதழையும், திண்டிவனம் நகர மன்ற தலைவர் நிர்மலா வழங்கினார். போட்டியில் பங்கு பெற்ற அனைத்து மாணவர்களுக்கும் சான்றிதழ் வழங்கப்பட்டது.