விழுப்புரம் மாவட்டம், வளவனுார் அடுத்த சொர்ணாவூர், கீழ்பாதி கிராமத்தைச் சேர்ந்தவர் சுப்ரமணியன் மகன் சுந்தரமூர்த்தி, 61; விவசாய தொழிலாளி. இவர், தனது மகள் மஞ்சுளா வீட்டில் வசித்து வருகிறார்.

நேற்று முன்தினம் பிற்பகல், வீட்டிலிருந்து வெளியே சென்ற அவர், கலிஞ்சிக்குப்பம் - மடுகரை சாலையில் நடந்து சென்றார். அப்போது, அந்த வழியாக வந்த வாகனம் மோதி விட்டு நிற்காமல் சென்றது. இதில் படுகாயமடைந்த சுந்தரமூர்த்தி சம்பவ இடத்திலேயே இறந்தார்.

புகாரின் பேரில், வளவனுார் போலீசார் வழக்குப் பதிந்து விசாரித்து வருகின்றனர்.