விழுப்புரம் அருகே கோலியனுார் ஒன்றியம் கண்டமானடி அரசு மேல்நிலைப் பள்ளியில், தமிழக அரசின் பள்ளி கல்வித்துறை சார்பில், பிளஸ் 1 மாணவ, மாணவிகளுக்கு இலவச சைக்கிள் வழங்கும் விழா நேற்று நடந்தது.

தலைமை ஆசிரியர் சந்திரசேகர் தலைமை தாங்கினார். ஊராட்சி துணை தலைவர் ராஜா முன்னிலை வகித்தார். ஊராட்சி தலைவர் ஏழுமலை சிறப்பு விருந்தினராக பங்கேற்று, பிளஸ் 1 மாணவ, மாணவிகள் 67 பேருக்கு இலவச சைக்கிள்களை வழங்கினார். கல்வி மேலாண்மை குழு நிர்வாகிகள், ஆசிரியர்கள், மாணவர்கள் பலர் கலந்துகொண்டனர்.