விழுப்புரம் நுண்ணறிவு புலனாய்வு போலீசாருக்கு கிடைத்த தகவலையடுத்து சிறப்பு சப் இன்ஸ்பெக்டர் ஞானப்பிரகாசம், தலைமை காவலர்கள் பாண்டியன், செந்தில்குமார், காவலர்கள் ஜெரால்டு, மணிகண்டன் ஆகியோர் நேற்று முன்தினம் மாலை செஞ்சி எம்.ஜி.ஆர்., நகர் நரிக்குறவர் குடியிருப்பில் சுப்ரமணி மகன் அரவிந்தன் 25; என்பவர் வீட்டில் திடீர் சோதனை நடத்தினர்.

அப்போது வீட்டில் யாரும் இல்லை. சோதனையில் ஒரு நாட்டு துப்பாக்கி, ஒரு துப்பாக்கி பேரல், 6 மான் கொம்புகள் பதுக்கி வைத்திருந்தது தெரியவந்தது.

அவற்றை போலீசார் பறிமுதல் செய்து செஞ்சி வனத்துறையினரிடம் ஒப்படைத்தனர்.

வனத்துறையினர் வழக்குப் பதிந்து தலைமறைவாக உள்ள குற்றவாளிகளைத் தேடி வருகின்றனர்.