விழுப்புரம் மேற்கு போலீஸ் சப் இன்ஸ்பெக்டர் நவநீதகிருஷ்ணன் மற்றும் போலீசார் நேற்று முன்தினம் மதியம் ரோந்து சென்றனர். அப்போது, காந்தி வீதியில் உள்ள, பூந்தோட்டம் பகுதியை சேர்ந்த முகமதுஅசாருதின், 28; என்பவரது மளிகை கடையில், தடை செய்யப்பட்ட குட்கா பொட்டலங்களை பதுக்கி வைத்து விற்பனை செய்ததை போலீசார் கண்டறிந்தனர். அவர் மீது வழக்கு பதிந்து, கைது செய்த போலீசார், அந்த கடையிலிருந்து 50 கிலோ குட்கா பாக்கெட் மூட்டைகளை பறிமுதல் செய்து விசாரணை நடத்தி வருகின்றனர்.