விழுப்புரம் அடுத்த கோலியனூரில் உள்ள பிரசித்தி பெற்ற ப்ரஹன்நாயகி சமேத வாலீஸ்வரர் கோவிலில், ஆலயம் புதுப்பிக்கப்பட்டு திருப்பணிகள் நடந்து, கும்பாபிஷேக விழா இன்று (பிப்.1) இன்று நடக்கிறது.

கும்பாபிஷேக விழா, கடந்த 29ம் தேதி காலை 9 மணிக்கு விக்னேஸ்வர பூஜையுடன் தொடங்கியது. தொடர்ந்து, கோ பூஜை, மகா கணபதி, மகாலட்சுமி, நவகிரக ஹோமங்களும், தீபாரதனையும், மாலை 4.30 மணிக்கு விக்னேஸ்வர பூஜையும் நடந்தது. நேற்று 31ம் தேதி காலை 7 மணிக்கு, இரண்டாம் கால யாக பூஜை தொடங்கி நடந்தது. மாலை 5.30 மணிக்கு மூன்றாம் காலயாக பூஜையும் நடந்தது.

தொடர்ந்து, இன்று வியாழக்கிழமை காலை 5:30 மணிக்கு நான்காம் கால யாக பூஜையும், விசேஷ திரவிய ஹோமங்களும், தீபாரதனையும் நடக்கிறது. காலை 9 மணிக்கு கடம் புறப்பாடாகி புனித நீர் கொண்டுவரப்பட்டு, காலை 9.30 மணிக்கு மேல் வாலீஸ்வரர் கோவில் விமானம் மற்றும் பரிவார சன்னதிகளில் புனித நீர் ஊற்றி கும்பாபிஷேகம் நடக்கிறது. கோலியனூர் சிவஞானம் தலைமையில், ஆலய விழா குழுவினர் ஏற்பாடுகளை செய்து வருகின்றனர்.