சங்கராபுரம் சப் இன்ஸ்பெக்டர் பிரபு தலைமையிலான போலீசார் குளத்துார் கூட்ரோட்டில் நேற்று வாகன சோதனையில் ஈடுபட்டனர். அப்போது அந்த வழியாக ஆம்னி காரை நிறுத்தி விசாரித்தனர்.

காரில் வந்தவர் மணலுார்பேட்டை அடுத்த பிள்ளையார்பாளையத்தை சேர்ந்த கந்தன், 45; என்பதும், கடந்த 20ம் தேதி உலகுடையாம்பட்டில் ஆடுகளை திருடியதையும் ஒப்புக் கொண்டார்.

மேலும், பல்வேறு இடங்களில் ஆம்னி காரில் சென்று ஆடுகளை திருடி, வாரசந்தைகளில் விற்பதை வழக்கமாக கொண்டுள்ளதும் தெரியவந்தது.

இதையடுத்து கந்தன் மீது வழக்குப் பதிந்து அவரை கைது செய்து, ஆம்னி காரை பறிமுதல் செய்தனர்.