தமிழக மார்க்கெட் கமிட்டிகளில் மின்னணு தேசிய வேளாண் சந்தை (இ -நாம்) திட்டத்தில், விவசாயிகளின் விளைபொருட்களை, வியாபாரிகள் கொள்முதல் செய்தனர்.

இத்திட்டத்தில் விவசாயிகளின் வங்கி கணக்கிற்கு நேரடியாக வியாபாரிகள் பணப்பட்டுவாடா செய்ய வேண்டும் என வேளாண் துறை உத்தரவிட்டுள்ளது.

இந்த நடைமுறைக்கு எதிர்ப்பு தெரிவித்து, விழுப்புரம் மாவட்ட மார்க்கெட் கமிட்டிகளில் நேற்று முன்தினம் முதல் வியாபாரிகள், விளைபொருட்களை கொள்முதல் செய்யாமல் காலவரையற்ற ஸ்டிரைக்கில் ஈடுபட்டுள்ளனர். தொடர்ந்து நேற்று இரண்டாவது நாளாக வியாபாரிகள் ஸ்டிரைக்கில் ஈடுபட்டனர்.

மார்க்கெட்டி நிர்வாகம் சார்பில் வியாபாரிகள் போராட்டம் காரணமாக மறு அறிவிப்பு வரும் வரை விவசாயிகள் விளைபொருட்களை விற்பனைக்கு கொண்டுவர வேண்டாம் என அறிவிப்பு வெளியிட்டுள்ளது.

இதனால், விவசாயிகள் தங்களின் விளைபொருட்களை கொண்டுவராததால், மார்க்கெட் கமிட்டிகள் வெறிச்சோடி காணப்பட்டன.