விக்கிரவாண்டி சப் இன்ஸ்பெக்டர் மணிகண்டன் மற்றும் போலீசார் வி.மாத்துார் பகுதியில் ரோந்து சென்றனர். அப்போது, ஏரிக்கரையில் பணம் வைத்து சூதாடிய நபர்களை பிடிக்க முயன்ற போது, இருவர் தப்பியோடினர். ஒருவர் பிடிபட்டார்.

விசாரணையில், மூங்கில்பட்டைச் சேர்ந்த தீபன், 32; என தெரியவந்தது. உடன் போலீசார் வழக்குப் பதிந்து அவரை கைது செய்தனர். மேலும் 3 பைக்குகள் மற்றும் 2000 ரூபாயை பறிமுதல் செய்தனர். தப்பியோடிய எல்.ஆர்.பாளையம் ராஜா, வளவனுார் கார்த்தி ஆகியோரை தேடி வருகின்றனர்.