அனந்தபுரம்-பனமலை ஸ்ரீகிருஷ்ணா மெட்ரிக் மேல்நிலை பள்ளியில் இந்த ஆண்டு 10ம் வகுப்பு தேர்வெழுதிய 68 மாணவர்களும் தேர்ச்சி அடைந்து, பள்ளிக்கு 100 சதவீதம் தேர்ச்சி பெற்று தந்துள்ளனர். மாணவி கிருத்திகா, மாணவன் ரித்தீஷ்குமார் ஆகியோர் 500க்கு தலா 492 மதிப்பெண் எடுத்து பள்ளியில் முதலிடமும், மாணவிகள் நிரஞ்சனா, வர்ஷினி ஆகியோர் 488 மதிப்பெண் எடுத்து இரண்டாமிடமும், மாணவி ஆர்த்தி, மாணவன் பாலகுமாரன் ஆகியோர் 487 மதிப்பெண் எடுத்து மூன்றாமிடமும் பிடித்தனர்.

480க்கு மேல் 13 மாணவர்களும், 470க்கு மேல் 10 மாணவர்களும், 450க்கு மேல் 16 மாணவர்களும், 400க்கு மேல் 17 மாணவர்களும் மதிப்பெண் எடுத்து தேர்ச்சி பெற்றுள்ளனர்.

கணித பாடத்தில் 15 மாணவர்களும், அறிவியலில் 1 மாணவரும், நுாற்றுக்கு நுாறு மதிப்பெண் பெற்றனர். சில மாணவர்கள் ஆங்கிலம், சமூக அறிவியலில் 99 மதிப்பெண்ணும், தமிழில் 98 மதிப்பெண்ணும் எடுத்தனர்.

முதல் மூன்று இடம் பிடித்த மாணவ, மாணவியர்களை பள்ளி தாளாளர் சேகர், பள்ளி முதல்வர் சுஜாதா சேகர் ஆகியோர் சால்வை அணிவித்து பாராட்டினர். பள்ளி ஆசிரியர்கள் பெற்றோர் உடன் இருந்தனர்.