திருவெண்ணெய்நல்லுார் போன்நேரு மேல்நிலைப் பள்ளியின் 6ம் வகுப்பு மாணவர்கள் தனஸ்ரீ 600 மீட்டர் ஓட்டப் பந்தயப் போட்டியில் தங்கப் பதக்கம், மைத்ரா தேவி வெள்ளி பதக்கம் வென்றனர்.

இதேபோல் 200 மீட்டர் ஓட்ட பந்தயத்தில் 9ம் வகுப்பு மாணவர் தினேஷ் தங்கப் பதக்கம் பெற்றார். தொடர் ஓட்டப் பந்தயப் போட்டியில் 14 வயதுக்கு உட்பட்டோர் பிரிவில் 9ம் வகுப்பு தரனேஷ், பரத்ராஜ், யோகராஜ் மற்றும் 7ம் வகுப்பு ஹரிஹரன் ஆகியோர் இரண்டாம் இடம் பிடித்து வெள்ளிப் பதக்கம் பெற்றனர்.

தடி ஊன்றி தாண்டுதல் போட்டியில் 10ம் வகுப்பு நரேஷ், பிளஸ் 2 மாணவர் ஹரிகரன் தங்கப் பதக்கம், 10ம் வகுப்பு புவனேஸ்வரன், பிளஸ் 2 மாணவர் ஹரிஹரன் வெள்ளிப் பதக்கம் வென்றனர்.

ஈட்டி எறிதல் பிரிவில் பிளஸ் 2 மாணவர் சமீரனன் வெண்கல பதக்கம், வட்டு எறிதல் போட்டியில் பிளஸ் 1 மாணவர் விஷால் வெள்ளிப் பதக்கம் வென்றனர்.

உயரம் தாண்டுதல் பிரிவில் பிளஸ் 2 மாணவர் ஹரிஹரன் தங்கப் பதக்கம், பிளஸ் 1 மாணவர் விஷால் வெள்ளி பதக்கம் வென்று சாதனை படைத்தனர். இதற்கு வழிகாட்டியாக செயல்பட்ட உடற்கல்வி ஆசிரியர் ஆறுமுகத்திற்கு பள்ளியின் தாளாளர் வாசுதேவன் பரிசு வழங்கி பாராட்டினார்.

உதவி தலைமை ஆசிரியர் சிவக்குமார் உடனிருந்தார்.

தமிழக விளையாட்டுத்துறை சார்பில் நடந்த பாரதியார் மற்றும் சுதந்திர தின போட்டிகளில் திருவெண்ணெய்நல்லுார் போன் நேரு மேல்நிலைப்பள்ளி மாணவர்கள் மண்டல அளவில் வெற்றி பெற்று சாதனை படைத்தனர்.