விழுப்புரம் அடுத்த அதனுார் ஊராட்சி ஒன்றிய துவக்கப் பள்ளியில் 'தினமலர் - பட்டம்' இதழ் வழங்கும் நிகழ்ச்சி நடந்தது.

'தினமலர்' வழங்கும் பட்டம் இதழ், மாணவர்களின் வாசிப்பு திறனை மேம்படுத்தவும், பொது அறிவு, அறிவியல் கண்டுபிடிப்புகள், தொழில்நுட்ப வளர்ச்சி மற்றும் அரசின் போட்டி தேர்வுகளை எதிர் கொள்வதற்கும், மாணவர்களை தயார்படுத்தும் நோக்கில் விரிவான தகவல்களை வழங்கி வருகிறது.

பள்ளி மாணவர்களுக்காக இந்த பட்டம் சிறப்பிதழ், திங்கள் முதல் வெள்ளிக்கிழமை வரை வெளியாகிறது. மாணவர்களுக்கு வினாடி - வினா போட்டிகளையும் நடத்தி ஊக்கப்படுத்தி வருகிறது.

விழுப்புரம் அடுத்த அதனுார் ஊராட்சி ஒன்றிய துவக்கப் பள்ளியில், 'தினமலர் - பட்டம்' இதழ்வழங்கும் நிகழ்ச்சி நடந்தது.

பள்ளி தலைமை ஆசிரியை யூஜின் நிர்மலா தலைமை தாங்கினார். பள்ளி மேலாண்மைக் குழு கல்வியாளர், பா.ம.க., வடக்கு ஒன்றிய செயலாளர் பாலா, மாணவர்களுக்கு பட்டம் இதழ்களை வழங்கி, அதன் சிறப்புகளை விளக்கி பேசினர்.

அப்போது, ஆசிரியர்கள் லுாகாஸ் திரேமா, லதா மற்றும் ஆசிரியர்கள், மாணவர்கள் பங்கேற்றனர்.