கலெக்டர் அலுவலகத்தில் நடந்த கூட்டத்திற்கு, கலெக்டர் ஷேக்அப்துல் ரஹ்மான் தலைமை தாங்கி பேசுகையில், 'தமிழக அரசு, வளமிகு வட்டார வளர்ச்சியினை உருவாக்கிடும் வகையில், மாநிலம் முழுதும் 50 வட்டாரங்கள் தேர்வு செய்து, ஒவ்வொரு வட்டாரத்திற்கும் 5 கோடி ரூபாய் ஒதுக்கீடு செய்யப்பட்டுள்ளது. இம்மாவட்டத்தில் வளம் மிகு வட்டார வளர்ச்சி திட்டம் திருவெண்ணெய்நல்லுார் மற்றும் மேல்மலையனுார் வட்டாரங்களில் செயல்படுத்தப்படுகிறது' என்றார்.

தொடர்ந்து, 2024-25ம் ஆண்டிற்கான மாவட்ட மற்றும் வட்டார வளர்ச்சி குறியீடுகள், பல்வேறு துறை சார்ந்த அலுவலர்களிடம் விரிவாக கேட்டறியப்பட்டு ஆய்வு மேற்கொள்ளப்பட்டது.

இக்குறியீடுகளின் குறைந்த மதிப்பீடுகளை ஆய்வு செய்து, அக்குறியீடுகளுக்கான 2025-26ம் ஆண்டிற்கான திட்ட அறிக்கைகள் பற்றி கலந்து ஆலோசிக்கப்பட்டு, சம்மந்தப்பட்ட துறை அலுவலர்களுக்கு ஆலோசனை வழங்கப்பட்டது.

மாவட்ட திட்டக்குழு அலுவலர் நடராஜன் உட்பட பல்வேறு துறை சார்ந்த அலுவலர்கள் பங்கேற்றனர்.