விழுப்புரம் மாவட்டம், வானுார் அடுத்த பூத்துறை செம்மண் குவாரியில், கடந்த தி.மு.க., ஆட்சியின்போது, விதிமீறி அதிகளவில் செம்மண் எடுத்து முறைகேடு செய்ததாக பொன்முடி எம்.எல்.ஏ., அவரது மகன் கவுதமசிகாமணி, ஜெயச்சந்திரன், ராஜமகேந்திரன், சதானந்தம், கோதகுமார், கோபிநாதன், லோகநாதன் ஆகிய 8 பேர் மீது, கடந்த 2012ம் ஆண்டு மாவட்ட குற்றப்பிரிவு போலீசார் வழக்குப் பதிந்தனர்.

இந்த வழக்கு நேற்று விசாரணைக்கு வந்தது. ஜெயச்சந் திரன், ராஜமகேந்திரன், சதானந்தம் நேரில் ஆஜராகினர். இரு தரப்பு வாதங்களை பதிவு செய்த மாவட்ட நீதிபதி மணிமொழி, விசாரணையை வரும் 23ம் தேதிக்கு ஒத்திவைத்து உத்தரவிட்டார்.