அவலுார்பேட்டையைச் சேர்ந்தவர் நாராயண மூர்த்தி. இவரது வீட்டின் கிணற்றில் நேற்று முன்தினம் நள்ளிரவு 1:30, மணியளவில் அந்த வழியாக குடிபோதையில் வந்த நபர் தவறி கிணற்றில் விழுந்தார்.

தகவல் அறிந்த மேல்மலையனுார் தீயணைப்பு நிலைய அலுவலர் பரஞ்ஜோதி தலைமையில் தீயணைப்பு வீரர்கள் 25 அடி ஆழமுள்ள கிணற்றில் விழுந்தவரை மீட்டனர்.

விசாரணையில் கிணற்றில் விழுந்த நபர் வேலுார், சதுப்பேரியைச் சேர்ந்த ராஜேந்திரன், 58; என்பதும், அவலுார் பேட்டையில் கூலி வேலை செய்து வந்ததும் தெரியவந்தது.

உடன் அவரை திருவண்ணாமலை அரசு மருத்துவமனைக்கு சிகிச்சைக்காக அனுப்பி வைத்தனர்.